Isra’ila ta hallaka ‘yan ƙasarta 13 da aka yi garkuwa da su a Gaza

Daga Sabiu Abdullahi

Jiragen yaƙin Isra’ila sun hallaka Isra’ilawa da ‘yan kasashen waje akalla 13 da aka yi garkuwa da su a arewacin Gaza a cikin awa 24 da suka gabata.

Wannan sanarwar ta fito ne daga reshen mayakan kungiyar Hamas.

A cewar Qassam Brigades a wata sanarwa da ta fitar, jiragen yakin Isra’ila sun hallaka “fursunoni goma sha uku.. ciki har da ‘yan kasashen waje” a wurare biyar da suka kai hari

Isra’ila ta ɗauki aƙalla mako guda tana luguden wuta a yankin Gaza da ta mamaye — inda kimanin mutum miliyan 2.4 suke zaune cikin matsatsi.

Baya ga haka, ta rusa gine-gine sannan ta kashe fiye da mutum 1,500.

Isra’ila ta ce Hamas ta yi garkuwa da fiye da mutum 150, da suka hada da fararen-hula da jami’an tsaron kasarta.

Maudu'ai Masu Alaƙa:

Isra’ila tana ƙara zafafa kai hare-hare a Zirin Gaza Harin da aka kai kan motocin daukar marasa lafiya a Gaza ya yi sanadiyyar rasa rayuka 15 Amurka ta ce Isra’ila ta amince da tsagaita wuta na sa’o’i 4 duk rana saboda fararen hula su tsere ANA ZATON WUTA A MAƘERA: Shugaban Faransa ya yi Allah-wadai da kashe mata da yara da Isra’ila ke yi a Gaza