Gwamnatin Tinubu na shirin fara cire wa mutanen da ke samun miliyan 100 harajin kaso 20 a kowane wata

Daga Sabiu Abdullahi

Gwamnatin Najeriya ta gabatar da sabon kudirin haraji da zai kara yawan harajin kudin shiga da mutane masu hannu da shuni za su bayar.

A cewar Taiwo Oyedele, Shugaban Kwamitin Manufofin Kudi da Sauye-Sauyen Haraji na Shugaban Ƙasa, wadanda ke samun Naira miliyan 100 ko fiye a kowane wata za su rika ba da harajin kashi 25%.

Oyedele ya bayyana wannan a taron tattalin arzikin Najeriya karo na 30 a Abuja a ranar Litinin.

Ya bayyana bukatar da ke akwai na daidaita lissafi, inda ya ce, “Idan kana samun naira miliyan 100 a wata, za mu dauki kashi 25 daga cikin kuɗaɗen.”

Sauye-sauyen da aka gabatar sun yi nufin ware masu karamin karfi daga biyan harajin kudin shigar, tare da rage wa masu karamin karfi da ke samun Naira miliyan 1.5 ko kasa da haka a wata nauyin haraji.


Ana sa ran sauye-sauyen harajin da aka gabatar za su fara aiki daga watan Janairu 2025, muddin majalisar dokoki ta amince da kudirin.

Maudu'ai Masu Alaƙa:

Tinubu ya gana da tsohon shugaban ƙasa Jonathan a Abuja Tinubu ya naɗa shugabannin hukumomin da ke ƙarƙashin ma’aikatar masana’antu Shahararren mawaƙin siyasa Rarara ya ce Buhari ne ya lalata Najeriya ba Tinubu ba Tinubu ya tabbatar wa masu zuba jari na Saudiyya cewa za su ci riba idan suka so Najeriya