Sojojin Isra’ila Sun Ƙara Luguden Wuta A Gaza Yayin Da Adadin Mutanen Da Suka Mutu Ya Ƙaru

Jiragen yaƙi da tankokin Isra’ila sun ci gaba da luguden wuta a Birnin Gaza domin ƙwace iko da yankin.

Mazauna yankin sun ce kusan Falasɗinawa miliyan ɗaya da ke zaune a wurin suna jin rugugi ba dare ba rana a arewaci da gabashin birnin.

Dakarun Isra’ila sun kuma sake komawa sansanin Jabalia da ke arewacin zirin Gaza a yayin farmakin.

Ma’aikatar Lafiya ta Gaza ta bayyana cewa, a cikin awanni 24 da suka gabata kaɗai, an kashe Falasɗinawa 64 tare da jikkata kusan 300.

Haka kuma ta ce tun daga watan Oktoban 2023 zuwa yanzu, adadin mutanen da Isra’ila ta kashe ya kai 62,686, yayin da 157,951 suka jikkata sakamakon hare-haren.

Maudu'ai Masu Alaƙa:

Isra’ila ta hallaka ‘yan ƙasarta 13 da aka yi garkuwa da su a Gaza Isra’ila tana ƙara zafafa kai hare-hare a Zirin Gaza Harin da aka kai kan motocin daukar marasa lafiya a Gaza ya yi sanadiyyar rasa rayuka 15 Amurka ta ce Isra’ila ta amince da tsagaita wuta na sa’o’i 4 duk rana saboda fararen hula su tsere