Kotu ta ba da umurnin kama Dr. Idris Dutsen Tanshi

Daga Sabiu Abdullahi

Rahotanni da ke fitowa daga Arewacin Najeriya na nuna cewa kotun Shari’ar Musulunci a jihar Bauchi ta janye belin da ta bayar kan Dakta Idris, wanda kuma hakan yake nufi a kowanne lokaci za a iya kamo shi.

Kotun dai ta mayar wa da waɗanda suka tsaya wa Dakta Idris ɗin takardun kadarorinsu da suka bayar domin karɓar belin shi da ta bayar a baya.

Rahotanni sun ambato Barista Ahmad Musa Umar, wanda shi ne lauyan Dr Idris, yama cewa “kotu za ta iya bai wa ‘yan sanda takardar kama Dakta Idris a kowanne lokaci.

“Kotun ta ce ta ɗage shari’ar zuwa ranar 24 ga watan nan na Janairu, wanda kuma take tsammanin jami’an tsaro sukai mata shi gabanin wannan rana.”

Tun a baya dai Dr. Idris yake da sa-in-sa da gwamnatin Jihar Bauchi ta Bala Mohammed Abdulkadir.

Lauyan Dr. Idris ya ce malamin ya yi zaman gidan yari na tsawon kwana 39 tsakanin watan Yuni da Yuli.

Maudu'ai Masu Alaƙa:

Masarautar Bauchi ta tuɓe masu sarautu guda shida An tsaurara matakan tsaro a harabar kotun da za a yanke hukuncin zaɓen gwamnan Bauchi da Kano Gwamantin Najeriya za ta fara ba da tallafin N50,000 ga ƙananan ƴan kasuwa—shiga domin ganin yadda za ka cika Ƴan sanda sun kama magidancin da ya yi yunƙurin kashe matarsa a Bauchi