Haaland Na Da Muhimmanci a Garemu—Guardiola

Kocin Manchester City, Pep Guardiola, ya jaddada muhimmancin dan wasan gaba, Erling Haaland, ga tawagar.

Yayin da yake jawabi gabanin wasan gasar Premier League da za su buga da Everton a ranar Boxing Day, Guardiola ya bayyana cewa Manchester City na bukatar amfani da damar da ke tare da dan wasan na Norway yadda ya kamata.

Haaland, wanda ya lashe Golden Boot a matsayin babban mai zura kwallaye a Premier League a bara, bai samu cin kwallo a wasanni uku na baya-bayan nan da ya buga wa tawagar Guardiola ba. Duk da haka, ya fara wannan kakar da karfi, inda ya ci kwallaye 14 cikin wasanni 13 a dukkan gasa.

Manchester United kuwa na duba yiwuwar daukar Victor Osimhen, yayin da alamu ke nuna cewa Marcus Rashford zai bar Old Trafford a watan Janairu mai zuwa.

Rashford ya rasa amincewar kocin Manchester United, Ruben Amorim, a makonnin da suka gabata. Dan wasan mai shekaru 27 bai samu shiga cikin jerin ‘yan wasan da suka taka leda a wasanni uku na baya-bayan nan ba.

Rashford ya riga ya nuna aniyarsa ta fara sabon babi a rayuwar kwallonsa.

Tsohon dan wasan tsakiyar Chelsea, Oscar, kuwa ya kammala komawarsa kulob din São Paulo bayan ya bar kulob din kasar Sin, Shanghai SIPG.

Fitaccen masani kan harkokin ƙwalln ƙafa, Fabrizio Romano, ne ya bayyana hakan a wata sanarwa da ya wallafa a shafinsa na X ranar Talata.

Maudu'ai Masu Alaƙa:

Gwamantin Najeriya za ta fara ba da tallafin N50,000 ga ƙananan ƴan kasuwa—shiga domin ganin yadda za ka cika Ƴan bindiga sun hallaka manoma tare da yin garkuwa da wasu a Katsina Ƴan bindiga a Zamfara sun kashe wani mutumi saboda ya ƙi aurar musu da ƴarsa Kisar Najeebah: Tinubu ya sha apwashin shawo kan matsalar tsaro