Yanayin tsaro ya sa Gwamnan Benue neman ƙarin jami’an tsaro a jihar

Daga Sabiu Abdullahi

Gwamna Hyacinth Alia na Benue ya yi kira da a tura karin sojoji da karin sansanonin tsaro a wasu sassan jihar Benue domin magance matsalolin tsaro da suka addabi jihar.

Mista Alia ya yi wannan kiran ne a lokacin da ya kai ziyarar ban girma ga babban hafsan sojin kasar, COAS, Laftanar-Janar Taoreed Lagbaja, ranar Talata a Abuja.

Ya bukaci a kafa sansanonin gudanar da ayyukan tsaro a kananan hukumomin Guma, Logo, Ukum da Kwande don taimakawa wajen dakile matsalar tsaro a yankunan. 

Ya ce mutanen Benue manoma ne sannan galibin yankunan da za a iya nomawa a Benue sun zama ba sa zaunuwa ga manoma saboda barazanar ‘yan fashi da tashin hankali daga makiyaya.

A cewarsa, ana kashe mutane biyu zuwa biyar ko fiye a kowane mako sakamakon tashin hankalin da wadannan kungiyoyi ke yi, wanda a wasu lokuta ‘yan jaridu ba sa bayyanawa.

Maudu'ai Masu Alaƙa:

Kotun ɗaukaka ƙara ta tabbatar da nasarar Gwamnan Benue Alia, ta kori ƙarar da Titus Uba na PDP ya shigar Ƴan bindiga sun kwashi Jama’a a Giwa Sojoji sun kama wata mai ba wa masu garkuwa da mutane bayanan sirri a Taraba   Dakarun Najeriya sun hallaka ƴanbindiga sama da 30 a Neja