Wata cutar ciwon ciki da zawayi ta kama sojojin Isra’ila da ke yaƙi a Falasɗinu

Daga Sabiu Abdullahi

Kafofin yada labaran Isra’ila sun rawaito cewa sojojin Isra’ila da aka girke a zirin Gaza suna fama da barkewar cututtuka na ciwon ciki da gubar abinci.

Yedioth Ahronoth ya ruwaito a ranar Litinin cewa “An sami karuwar cututtukan hanji a tsakanin sojojin na Isra’ila.”

Rahoton ya ce tun lokacin da Isra’ila ta fara kai hare-hare a Gaza a ranar 7 ga watan Oktoba, yawancin gidajen cin abinci da daidaikun jama’a sun ba da gudummawar kayayyakin abinci ga sojojin Isra’ila, wadanda watakila suka gurbace a lokacin shirye-shirye, sufuri ko kuma ajiya, in ji rahoton.

Sojoji da dama sun fuskanci alamun shan guba a abinci, wanda ya hada da zawo mai tsanani da kuma yanayin zafi.

Tal Brosh, darektan sashin kula da cututtuka a babban asibitin Assuta da ke Ashdod ya ce, cutar zawo ta yadu a tsakanin sojojin da ke kudancin kasar, a wuraren taro, daga baya kuma a cikin sojojin da suka je yaki a cikin Gaza.

Wannan na zuwa ne a daidai lokacin da faɗa tsakanin Isra’ila da Falasdinawa ke kara ta’azzara.

Maudu'ai Masu Alaƙa:

Ana zargin sojojin Isra’ila da kama ɗaruruwan Falasɗinawa tare da barinsu cikin yunwa da ƙishirwa Ana zargin sojojin Isra’ila da kama ɗaruruwan Falasɗinawa tare da barinsu cikin yunwa da ƙishirwa Isra’ila ta hallaka ‘yan ƙasarta 13 da aka yi garkuwa da su a Gaza Isra’ila ta sha alwashin cigaba da kai hare-hare Falasɗinu