Wani mummunan hatsarin mota ya yi ajalin jami’an hukumar shige da fice ta Najeriya

Daga Sabiu Abdullahi

Wata motar bas da ke ɗauke da jami’an hukumar shige da fice ta Najeriya (NIS) ta gamu da wani mummunan haɗari, wanda ya yi sanadin asarar rayuka.

Hukumar kiyaye haddura ta tarayya ta tabbatar da mutuwar mutane biyu nan take, yayin da wasu bakwai da suka jikkata aka kai su asibiti ba tare da ɓata lokaci ba.

Jami’an, waɗanda suka dawo Abuja daga jihar Kano bayan faretin gama horarwa a makarantar horas da shige da fice, sun yi hatsarin ne a hanyar Kano zuwa Zariya.

Har yanzu dai ba a san ainihin musabbabin faruwar lamarin ba, amma rahotanni na nuni da cewa wata kila fashewar tayar ne ya janyo haɗarin.

Maudu'ai Masu Alaƙa:

Ma’aikatar cikin gida ta Najeriya ta yi wa ma’aikatanta 32,361 ƙarin girma Mummunan hatsarin mota ya yi sanadiyyar mutuwar mutum 16 a hanyar Kaduna zuwa Abuja Mummunan hatsarin mota ya kashe mutane sama da 10 a Jihar Filato Hatsarin mota ya kashe mutum 4, ya jikkata sama da 50