Turkiyya za ta shiga shari’ar da Afirka ta Kudu ke yi kan Falasɗinawa

Daga Sodiqat Aisha Umar

Ƙasar Turkiyya za ta shiga shari’ar da Afirka ta Kudu ke yi da Isra’ila kan kisan kiyashi

Ministan Harkokin Wajen Turkiyya Hakan Fidan ya sanar da matakin Turkiyya na haɗa kai da Afirka ta Kudu domin ci gaba da ƙalubalantar Isra’ila a gaban Kotun Duniya kan batun kisan kiyashin Isra’ilar.

Fidan ya bayyana cewa a lokacin tattaunawarsa ta diflomasiyya da ƙasashen da suka amince da Falasɗinu a matsayin ƙasa, daga ciki har da Ƙungiyar Haɗin-kan Ƙasashen Musulmi ta OIC da ta Tarayyar Ƙasashen Larabawa, wasu daga cikin ƙasashen sun nuna shirinsu na ɗaukar matsaya dangane da batun

A yayin da yake sa ran samun ci gaba a shari’ar da ake yi a gaban Kotun Duniya, Fidan ya jaddada irin ƙoƙarin da Turkiyya ta jima tana yi domin shirya wa wannan matakin.

Maudu'ai Masu Alaƙa:

Hamas ba ƴan ta’adda ba ne—Erdogan Yadda ‘yan ƙasa ke fama da wahalhalu a ƙasahen Afirka 5 mafiya ƙarfin tattalin arziƙi An rantsar da Ramaphosa a matsayin shugaban Afirka ta Kudu karo na biyu Satar Motar Miliyan 55: Ba Satar Motar Na yi ba, Ɗani Na Tafi, In ji wanda aka kama