Tsohon Shugaban NLC na Jihar Edo Ya Rasu Bayan Samun Taƙaddama da Ƴansanda

Daga Sabiu Abdullahi
 
Kwamishinan Ƴansanda a Jihar Edo, Umoru P. Ozigi, ya bayar da umarnin gudanar da bincike kan mutuwar Kaduna Eboigbodin, tsohon shugaban Ƙungiyar Ƴan Ƙwadago (NLC) na jihar, bayan arangama da ya yi da ƴansanda a birnin Benin.
 
Wasu majiyoyi sun bayyana cewa Eboigbodin ya rasu ne a lokacin da yake fuskantar ƴansandan, waɗanda ke neman takardun motarsa a wani bincike.
 
Majiyoyin sun ce Eboigbodin, wanda ke tare da matarsa a motar, ya nuna musu takardun motar, amma duk da haka sai da taƙaddama ta barke tsakaninsu.
 
Majiyoyin sun ce bayan haka, Eboigbodin ya fara jin haushi, kuma daga bisani sai ya fadi daga cikin motar.
 
Daga nan ƴansandan suka bar wurin, suka bar shi tare da matarsa, wadda ta garzaya da shi zuwa asibiti, inda aka sanar da ita cewa ya rasu.
 

Maudu'ai Masu Alaƙa:

Najeriya ce ta 102 a jerin ƙasashe masu farin ciki a duniya Za mu riƙa biyan N70,000 a matsayin mafi ƙarancin albashi a Edo—Obaseki Gwamnatin Nijar za ta gyara alaƙa da Jamhuriyar Benin Tinubu ya taya Okpebholoz murnar lashe zaɓen gwamnan Edo