Tsohon gwamnan Kaduna Ramalan Yero ya koma jami’iyyar APC

Daga Abdullahi I. Adam

Tsohon Gwamnan Jihar Kaduna, Alh. Mukhtar Ramalan Yero ya bayyana cewa ya amince ya koma jam’iyyar APC.

Idan ba a manta ba, tsohon Gwamnan ya sanar da ficewa PDP ne a watannin baya duk da cewa ita ce jam’iyyar da ya riƙe manyan muƙamai ƙarƙashinta inda ya zamo kwamishina, mataimakin gwamna har zuwa matakin gwamna.

A faifan bidiyon da wani makusancinsa ya saki a kafar sadarwa ta Facebook, an jiyo tsohon gwamnan na faɗar cewa ya yanke wannan shawara e bayan ya tuntuɓi makusantansa a siyasance.

Maudu'ai Masu Alaƙa:

Gwamnatin Kaduna ta rufe makaranta bayan mutuwar ɗalibi Shahararren jarumim wasan Hausa Samanja ya rasu Matashi ya kashe mahaifinsa a Kaduna Kotu ta tabbatar da Fubara na jam’iyyar PDP a matsayin halattaccen gwamnan jihar Ribas