Trump Ya Naɗa Susan Summerall Wiles a Matsayin Shugabar Ma’aikatan Fadar White House

Daga Sabiu Abdullahi

Zaɓaɓɓen shugaban Amurka, Donald Trump, ya sanar da naɗin Susan Summerall Wiles a matsayin shugabar ma’aikatan fadar White House idan ya karɓi mulki a shekara mai zuwa.

A cikin wata sanarwa da ya fitar, Trump ya bayyana Wiles da cewa “ta taimaka mani wajen lashe zaɓe tare da kafa sabon tarihi a siyasar Amurka. Mace ce mai ilimi da ƙwazon aiki, wadda ake girmamawa a duk duniya.”

“Ina da yaƙinin cewa za ta taimaka mani wajen dawo da martabar Amurka da kuma zama abin koyi,” in ji Trump.

Yanzu haka, kwamitin karɓar mulki na Donald Trump na ci gaba da aiki don zaɓo mutanen da za a naɗa a manyan mukamai a cikin sassa 15 na gwamnati, ciki har da Sakataren Harkokin Waje da kuma na Tsaro.

Maudu'ai Masu Alaƙa:

#ZaɓenAmurkaNa2024: Tinubu Ya Taya Trump Murna Kan Sake Lashe Zaben Shugabancin Amurka Amurka ta ce Isra’ila ta amince da tsagaita wuta na sa’o’i 4 duk rana saboda fararen hula su tsere An kashe sojojin Amurka 3 a wani harin jirgi marar matuƙi a Jordan Shugaban Access Bank a Najeriya ya rasu