TA LEƘO TA KOMA: Kotun ɗaukaka ƙara ta soke zaɓen gwamnan Jihar Filato

Daga Sabiu Abdullahi


Kotun daukaka kara da ke Abuja ta soke zaben gwamna Caleb Muftwang na jihar Filato a ranar Lahadi.

Kwamitin kotun mai mutane 3, ya yanke hukuncin cewa, Muftwang bai samu daukan nauyi da ya dace da doka ba daga jam’iyyar PDP, saboda sabawa sashe na 285(2) na kundin tsarin mulkin Najeriya.


Kotun ta bayyana cewa Nentawe Goshwe na jam’iyyar All Progressives Congress (APC) ya yi nasarar daukaka karar da ya shigar, inda ya ce batun cancantar duk wani lamari ne da ya shafi gaba da kuma bayan zabe a karkashin sashe na 177 (c) na kundin tsarin mulkin Najeriya, 1999, da sashe 80 da 82 na Dokar Zabe, 2022.


Kwamitin ya amince da ƙarar wanda ya shigar da kara, Goshwe, inda ya nuna rashin bin umarnin babbar kotun jihar Filato da kuma kotun daukaka kara da PDP ta yi.

Maudu'ai Masu Alaƙa:

‘Adadin waɗanda aka kashe a rikicin Bokkos ta Jihar Filato ya haura 70’ Matashi ya kashe ɗan maƙwabcinsa mai shekara 5 Mahara sun kashe mutane 7 a wani sabon hari a Filato Mummunan hatsarin mota ya kashe mutane sama da 10 a Jihar Filato