Shugaba Putin na shirin sauke ministan tsaron Rasha

Daga Sodiqat Aisha Umar

Shugaban ƙasar Rasha Vladimir Putin na shirin sauke daɗaɗɗen abokinsa Sergei Shoigu daga muƙamin ministan tsaron ƙasar.

Kamfanonin dillancin labaran ƙasar, sun ce shugaba Putin na shirin naɗa mista Sergei Shoigu shugaban majalisar tsaron ƙasar.

Sergei Shoigu, mai shekara 68 ya shafe shekara 12 yana riƙe da muƙamin minista a ƙasar.

Wasu takardu da majalisar dokokin ƙasar ta wallafa sun ce Andrei Belousov ne zai maye gurbin ministan tsaron.

Mista Shoigu ya taka muhimmiyar rawa a yaƙin da Rasha take yi a Ukraine.

Wasu bayanai daga gwamnatin Rasha na nuna cewa shugaba Putin na son mista Shoigu ya karɓe ragamar majalisar tsaron ƙasar daga hannun Nikolai Patrushev.

Maudu'ai Masu Alaƙa:

Alaƙarmu da Rasha ta ƙara ƙarfi sosai—Shugaban China Zan dakatar da yaƙin Falasɗinu—in ji Donald Trump Rasha ta yi hasarar sojoji sama da 70,000 a yaƙinta da Ukraine Rasha ta fara kwashe mutane daga yankin Kursk saboda hare-haren Ukraine