Rushe masarautun Kano ya haddasa zanga-zanga

Daga Sodiqat Aisha Umar

Da safiyar ranar Lahadi ne aka tashi da zanga-zanga a kan titunan masarautar Gaya, ɗaya daga cikin masarautu biyar da majalisar dokokin Jihar Kano ta rushe.

Majalisar dokokin jihar dai ta soke dokar da tsohon gwamnan jihar, Abdullahi Ganduje ya yi amfani da ita wajen tsige Muhammadu Sanusi II a shekarar 2020.

Yayin da yake amincewa da dokar a ranar Alhamis, Gwamna Abba Kabir Yusuf, ya sanar da rushe ƙarin masarautu guda biyar da Ganduje ya ƙirƙiro.


Gwamnan ya kuma umarci dukkanin sarakunan masarautun da suka haɗa da Alhaji Aliyu Ibrahim Abdulkadir, Sarkin Gaya, da su miƙa al’amuran masarautunsu ga mataimakin gwamnan Jihar, Kwamared Abdulsalam Gwarzo, wanda ke kula da ma’aikatar ƙananan hukumomi da al’amuran sarakuna.

Maudu'ai Masu Alaƙa:

An cinna wuta a wani ɓangare na fadar Sarki Sanusi Sarkin Musulmi ya yaba wa matashin da ya tsinci maƙudan kuɗi kuma ya mayar wa mai shi a Kano Ƴan sanda sun bankaɗo yunƙurin tayar da hankali bayan yanke hukuncin zaɓen gwamna a Kano Gobara ta hallaka wata mata da ƴaƴanta uku a Kano