Rasha ta yi hasarar sojoji sama da 70,000 a yaƙinta da Ukraine

Daga Sabiu Abdullahi

Rundunar sojojin Rasha ta yi asarar sojoji sama da 70,000 a yakin da suka yi da Ukraine cikin watanni biyun da suka gabata.

Wasu alkaluma daga ma’aikatar tsaro ta Biritaniya ne suka bayyana haka, inda suka ambato wasu majiyoyin leken asiri.

A cikin watan Mayu adadin sojojin da aka kashe da jikkata ya kai 1,262, a cewar ma’aikata cikin wani sakon da ta wallafa a dandalin sada zumunta na X.

Sanarwar ta ce, Rasha ta bude wani sabon fanni a yankin Kharkiv tare da ci gaba da kai hare-hare iri daya a sauran bangarorin.

A halin da ake ciki kuma, Ukraine na kare kanta daga mamayar Rasha tun watan Fabrairun 2022.

Tun daga wannan lokacin, ma’aikatar tsaron Burtaniya ta ke buga bayanai a-kai-a-kai kan yadda yakin ke gudana.

Biritaniya tana nuna matukar goyon bayan tsaro ga Ukraine.

Sai dai ita Moscow ta zargi London da rashin gaskiya.

Maudu'ai Masu Alaƙa:

Rasha ta fara kwashe mutane daga yankin Kursk saboda hare-haren Ukraine Zo ka ga misalin yadda ake yaƙi da media An kori wata ma’aikaciyar jinya ƴar Najeriya daga aiki a Birtaniya saboda yin addu’a wa marar lafiya Alaƙarmu da Rasha ta ƙara ƙarfi sosai—Shugaban China