Raina ya ɓaci ganin irin abincin da ake rabawa na Azumi a Jihar Kano—Abba Kabir

Daga Sabiu Abdullahi

Gwamnan jihar Kano Abba Kabir Yusuf ya nuna rashin gamsuwarta game da yadda ake gudanar da aikin shirin raba abincin azumin Ramadan da ake yi a jihar.

Ya nuna hakan ne a wata ziyarar ba-zata da ya kai ɗaya daga cibiyoyin da ake aikin raba abincin a Ƙaramar Hukumar Municipal, gwamnan ya nuna rashin jin dadi game da irin abincin da ya gani ana rabawa a cibiyar.

An jiyo shi uana cewa “manja suke samu ku ba miya ba?”

Gwamnan ya kuma nuna damuwarsa kan yawa da kuma ingancin abinci da ya ga ana ba wa mutane, wanda a cewarsa ya sha banban da abin da gwamnatinsa ta amince ta kuma sahale a dinga bayarwa.

“Wannan wane irin shirme ne,” in ji gwamnan lokacin da yake zantawa da masu dafa abincin.

Ya kuma tambaye su wane ne ya ba su damar dafa abincin a wannan tsari.

Maudu'ai Masu Alaƙa:

Magoya bayan gwamnan Kano Abba Kabir sun gudanar da zanga-zangar lumana a cikin birnin Kano Kotu ta hana gwamnatin Kano bincikar Ganduje Ganduje Ya Zama Shugaban APC Na Ƙasa Matar Sarkin Bichi ta faɗa hannun ƴan damfara