Netanyahu ya sha alwashin ci gaba da kisar gilla a Gaza

Daga Sabiu Abdullahi

Firaministan Isra’ila, Benjamin Netanyahu, ya bayyana cewa yakin da kasarsa ke yi a Gaza, wanda ya kai shekara guda, zai ci gaba da gudana muddin kasarsa tana fuskantar barazana.

Ya bayyana cewa ba zai yiwu a dakatar da hare-haren da Isra’ila ke kaiwa Gaza, Lebanon, da wasu yankunan Gabas ta Tsakiya ba, domin suna fafatawa da abokan gaba.

“Wannan nauyi ne da ya rataya a wuyanmu, ba za mu dakata ba sai mun kammala aikin da ya wajaba a kanmu,” in ji Netanyahu yayin jawabin da ya gabatar ga ‘yan kasar bayan zagayowar ranar 7 ga Oktoba, lokacin da Hamas ta kai harin ramuwa kan Isra’ila.

A lokaci guda, Isra’ila ta ci gaba da kai hare-hare a birnin Beirut na Lebanon, yayin da kungiyar Hezbollah ta harba rokoki sama da 100 zuwa Isra’ila a jiya, Litinin.

Maudu'ai Masu Alaƙa:

Isra’ila ta hallaka ‘yan ƙasarta 13 da aka yi garkuwa da su a Gaza Isra’ila tana ƙara zafafa kai hare-hare a Zirin Gaza Harin da aka kai kan motocin daukar marasa lafiya a Gaza ya yi sanadiyyar rasa rayuka 15 Amurka ta ce Isra’ila ta amince da tsagaita wuta na sa’o’i 4 duk rana saboda fararen hula su tsere