Majalisar dattawan Najeriya ta amince da hukuncin kisa ga masu safarar ƙwaya

Daga Sodiqat Aisha Umar

Majalisar dattawan ta amince da ƙudurin dokar hukuncin kisa ga masu safarar miyagun ƙwayoyi a faɗin ƙasar nan, bayan ƙudurin ya tsallake karatu na uku a zauren majalisar.

Majalisar ta amince da ƙudurin bayan kwamitin majalisar kan ayyukan yaƙi da fataucin miyagun ƙwayyoyi, ƙarƙashin jagorancin Sanata Tahir Munguno ya gabatar da rahotonsa kan sabuwar dokar a zauren majalisar.

Majalisar ta amince da dokar hukuncin kisan ne domin ƙarfafa ayyukan hukumar yaƙi da fataucin miyagun ƙwayoyi ta ƙasa.

To sai dai wasu tsirarun ‘yan majalisar ba su goyi bayan ƙudurin ba, inda Sanata Adams Oshimole ya kasance cikin masu nuna adawa da dokar.

Mataimakin shugaban majalisar dattawan, Sanata Barau Jibril ya yi watsi da buƙatar sanata Oshimolen, yana mai cewa ƙorafin sanatan ya saɓa wa dokar majalisar saboda ƙorafin ya zo ne bayan majalisar ta amince da ƙudurin.

Maudu'ai Masu Alaƙa:

Majalisa ta ba da umurnin duba lamarin albashin malaman jami’o’i Majalisa za ta binciki yadda manyan makarantun Najeriya ke ba da gurbin karatu bisa ka’ida ba Yajin aiki ya sa an rufe ƙofofin zauren majalisun Najeriya Shugaba Tinubu ya tura wa Majalisar Dattawa sunayen alkalan Kotun Ƙoli 11 don tabbatarwa