Majalisa ta ba da umurnin duba lamarin albashin malaman jami’o’i

Daga Usama Taheer Maheer

Shugaban majalisar wakilai Tajuddin Abbas ya ba wa kwamitocin majalisar mako biyu domin kawo mafita a kan batun albashin wata takwas da aka riƙewa malaman jami’a.

Kwamitocin da aka ba wa umarnin sun haɗa da kwamitin ilimin jami’o’i, kwamitin kuɗi, kwamitin kula da haƙƙuna, kwamitin kula da ma’aikata da kwamitin sharia na majalisar.

Tunda farko dai ɗan majalissa Poul Nnamchi mai wakiltar Enugu da haɗin gwiwar ɗan majalisar da ke wakiltar Zamfara, Aminu jaji da Julius Ihonvbere mai wakiltar Edo, sai Lilian Orogbu daga Anambara su ne suka gabatar da ƙudirin a gaban majalisar.

Nnamchi ya bayyana muhimmancin malaman Jami’o’i wajen taimaka wa harkan ilimi, ta hanyar koyarwa da kuma sanya shugabannin gobe a bigere na gaskiya.

Ɗan Majilisar ya bayyana yanda riƙe albashin ya shafi walwalar malaman da kuma yanda ya ƙara gurgunta harkar koyo da koyarwa a matakin jami’o’i a ƙasar.

Maudu'ai Masu Alaƙa:

Majalisa za ta binciki yadda manyan makarantun Najeriya ke ba da gurbin karatu bisa ka’ida ba Yajin aiki ya sa an rufe ƙofofin zauren majalisun Najeriya Manya-manya ƙungiyoyin ma’aikata 19 sun bi sahun NLC wajen shiga yajin aiki Shugaba Tinubu ya tura wa Majalisar Dattawa sunayen alkalan Kotun Ƙoli 11 don tabbatarwa