Kungiyoyi a Nijar na gangami don neman ficewar ƙasar daga ECOWAS

Daga Abdullahi I. Adam

A safiyar yau Talata ne gamayyar ƙungiyoyi suka fito kan tituna a birnin Yamai na Jamhuriyar Nijar don neman mahukunta a ƙasar su amince da buƙatarsu na ganin cewa ƙasar ta fice daga ƙungiyar ECOWAS ko CEDEAO.

Kafar sadarwa ta BBC Hausa ta ruwaito cewa irin wannan gangami yana can yana gudana a sauran yankuna daban-daban na ƙasar.

Gangamin ya sami halartar da dama daga cikin masu kishin ƙasa waɗanda daga cikin manufofinsu akwai ma daina amfani da kuɗin CFA a cikin ƙasashen uku na kungiyar da suka haɗa da Nijar da Mali da kuma Burkina Faso.

Maudu'ai Masu Alaƙa:

Nijar ta soke yarjejeniyar aiki da sojin Amurka a ƙasarta Nijar ta sake buɗe iyakokinta da Najeriya Nijar: Ɗiyar Bazoum ta zargi  Issoufou da hannu a juyin mulkin da aka yi wa mahaifinta Ecowas za ta kafa dakarun ko-ta-kwana don yaƙi da ta’addanci a yammacin Afirka