Kotu ta tabbatar da Fubara na jam’iyyar PDP a matsayin halattaccen gwamnan jihar Ribas

Kotun Ɗaukaka Ƙara da ke zamanta a jihar Legas a ranar Talata, ta yi watsi da karar da Tonye-Cole na jam’iyyar All Progressives Congress, APC, ya shigar da gwamnan jihar Ribas, Siminalayi Fubara na jam’iyyar PDP.

Tonye-Cole ya bukaci Kotun Ɗaukaka Ƙara ta umurci hukumar zabe mai zaman kanta, INEC, da ta bayyana shi a matsayin wanda ya lashe zaben gwamnan da aka yi a watan Maris.

Ya shaida wa kotun cewa Fubara yana ci gaba da sanya hannu a kan takardu a matsayin Akanta-Janar na Jihar ko da bayan an tsayar da shi a matsayin dan takarar gwamna a jam’iyyar PDP.

Ya kuma yi zargin an tafka kura-kurai a zaben.

A watan Oktoba ne kotun sauraron ƙararrakin zaɓen gwamnan jihar Rivers ta yi watsi da karar, inda ta ce jam’iyyar APC da ta dauki nauyin Tonye-Cole ta janye karar da aka shigar kan nasarar da Fubara ya samu.

Daga nan ne Tonye-Cole, wanda bai gamsu da hukuncin kotun ba, ya tunkari Kotun Ɗaukaka Ƙara domin neman hakkinsa.

Maudu'ai Masu Alaƙa:

Ba mu da wani shirin haɗewa da PDP, in ji LP Kotu ta sauke kakakin majalisar Jihar Nasarawa Gwamnonin PDP sun yi ƙira ga Tinubu da APC su yi murabus saboda matsalolin Najeriya PDP ta lashe zaɓen duka ƙananan hukumomi 20 na Jihar Bauchi