Kotu ta bayar da belin ₦300m wa Emefiele

Daga Sabiu Abdullahi

A ranar Laraba ne wata babbar kotun birnin tarayya Abuja ta bayar da belin tsohon gwamnan babban bankin kasar Godwin Emefiele.

An bayar da belinsa a kan kudi N300m da kuma mutum biyu masu tsaya masa.

Da yake yanke hukunci kan neman belinsa a ranar Laraba, Mai shari’a Hamza Muazu, ya ce dole ne wadanda za su tsaya masa su kasance suna da takaddun shaidar zama da kuma takardun mallakar dukiya a gundumar Maitama.

Ya kuma umurci Emefiele da ya ajiye dukkan takardunsa da zaibiya amfani da su don yin tafiya a gaban magatakardar kotun, sannan ya ci gaba da zama a Abuja.

Muazu ya ce a ci gaba da tsare tsohon gwamnan na CBN a gidan gyaran hali na Kuje har sai ya cika sharuddan belin.

Emefiele yana fuskantar shari’a bisa zarginsa da laifin zamba.

Tun da farko dai gwamnatin tarayya ta ɗaura tuhume-tuhume 20 na fiye da naira biliyan 6.5 a kan Emefiele.

Maudu'ai Masu Alaƙa:

Tsohon gwamnan CBN Emefiele zai ci gaba da zama a gidan yari na Kuje saboda rashin biyan belin N300m Ana zargin Emefiele da buɗe asusun banki sama da 500 a sassan duniya ba bisa ka’ida ba In da Emefiele a China ya yi wannan baɗakalar, da yanzu an harbe shi har lahira—Fadar Shugaban Ƙasa CBN ya dawo bayar da canjin dala ga masu shigo da kayayyaki 43 wadda gwamnatin Buhari ta hana