Jami’ar Alqalam ta tabbatar da sace ɗalibanta mata

Daga Sabiu Abdullahi

Jami’ar Al Qalam, Katsina ta tabbatar da sace wasu dalibanta mata guda biyu.

Jami’ar ta ce lamarin ya faru ne a ranar Litinin.

Wata sanarwa da shugaban al’amuran jama’a na jami’ar, Akilu A. Atiku, ya fitar, ya bayyana cewa iyayen daliban sun tabbatar da sace su.

Sanarwar da ke kunshe a cikin wata takarda ta musamman ta jami’ar ta ce shugaban jami’ar, Farfesa Nasiru Musa Yauri, yana tare da iyalan daliban yayin da suke cikin wannan mawuyacin hali.

An sace daliban ne a ranar Litinin a kan hanyarsu ta zuwa jihar Katsina daga jihar Neja don ci gaba da gudanar da ayyukan karatunu a jami’ar.

Maudu'ai Masu Alaƙa:

Hisbah ta ƙwace kwalaban giya 850 a Katsina Sojojin sun kuɓutar da wasu mutane daga hannun ƴan bindiga a Katsina Mutanen gari sun ƙona gida da motar mutumin da ya yi ɓatanci ga Fiyayyen Halitta Ƴan bindiga sun yi garkuwa da mutane 30 masu rakiya wa amarya a Katsina