Isra’ila da Falasɗinu: Jordan ta jaddada goyon bayanta ga Hamaz

Sarki Abdallah na biyu na kasar Jordan ya bayyana goyon bayansa ga Falasɗinu, yana mai cewa zaman lafiya ba zai yiwu ba a yankin Gabas ta Tsakiya matukar ba a samu ‘yantacciyar kasar Falasdinu ba.

Shugaban na Jordan ya yi magana ne a daidai lokacin da ake ci gaba da gwabza fada tsakanin Isra’ila da Hamas, kungiyar gwagwarmaya a Falasɗinu.

Kungiyar Hamas da ke iko da Gaza ta kaddamar da wani gagarumin hari kan Isra’ila, inda ta kashe mutane akalla 1,200 tare da yin garkuwa da wasu kusan 150 a karshen mako.

Harin ramuwar gayya da sojojin Isra’ila suka kai a zirin Gaza kuma ya yi sanadin mutuwar mutane aƙalla 900.

Da yake jawabi ga wakilai a jawabin buɗe sabon zaman majalisar a ranar Laraba, Sarkin na Jordan ya ce, “Yankinmu ba zai taɓa samun tsaro ko kwanciyar hankali ba tare da samar da cikakken zaman lafiya da kwanciyar hankali ba.”

Maudu'ai Masu Alaƙa:

Yahudawa: A Jiya da Yau Kungiyar Hizbullah ta kai hare-hare ta sama kan sansanonin sojojin Isra’ila ƘURUNƘUS: Tarayyar Turai ta nuna buƙatarta na samar da kasa mai cin gashin kanta wa Falasɗinawa Isra’ila Ta Ƙara Kashe Falasɗinawa 174 a Gaza, Ta Raunata 310