INEC ta ɗage tattara sakamakon zaɓen gwamnan Bayelsa zuwa gobe Litinin

Daga Sabiu Abdullahi

Hukumar zabe mai zaman kanta ta kasa INEC ta yanke shawarar dage tattara sakamakon zaben gwamnan jihar Bayelsa.

Shugaban sashen wayar da kan jama’a da wayar da kan masu kada kuri’a a ofishin INEC da ke Yenagoa, Mista Wilfred Ifogah, ne ya bayyana hakan a ranar Lahadi a cibiyar tattara sakamakon zabe ta jihar.

Tun da farko malamin zaɓe na jihar Farfesa Kuta Farouq ya dakatar da aikin na wani dan lokaci har zuwa karfe 6 na yamma biyo bayan tattara sakamako daga kananan hukumomin Sagbama, Nembe, da Ekeremor.

Jinkirin ya samo asali ne sakamakon hasashen samun sakamako daga sauran kananan hukumomin biyu da suka rage wato Brass da Kudancin Ijaw, wadanda har yanzu ba a kawo su ba har ya kai ga ɗage zaman.

Maudu'ai Masu Alaƙa:

Hope Uzodinma ya lashe zaɓen Imo ‘Ba wanda ya isa korata daga jam’iyyar NNPP’ Masanin adabi Soyinka ya yi Allah-wadai da hare-haren da ake kai wa masu zanga-zanga da ‘yan jarida Yadda matasa a Jihar Yobe ke ƙoƙarin yi wa ‘yan majalisu 3 kiranye