Hatsarin kwale-kwale ya sake yin ajalin mutum 41 a Zamfara

Daga Sabiu Abdullahi  

Wani hatsarin kwale-kwale ya sake afkuwa a garin Gummi na jihar Zamfara a safiyar ranar Asabar, wanda ya yi sanadin asarar rayuka 41.  

Jirgin ruwan mai dauke da manoma 53 zuwa gonakinsu, ya kife ne a wani kogi da ke kusa da garin, sakamakon dakon kaya da ya yi kamar yadda wani ma’aikacin karamar hukumar Gummi, Alhaji Na’Allah Musa, ya bayyana.  

Wani da ya shaida lamarin, Abubakar Muhammad, ya ba da labarin abin da ya faru, inda ya ce, “Mun yi iyakacin kokarinmu don ceton wadanda za mu iya, amma abin bakin ciki, an kasa fitar da fasinjoji 41 da ransu.

An ceto fasinjoji 12 ciki har da matuƙin jirgin da rai.  

Lamarin da ya jefa al’umma cikin bakin ciki, kuma hakan ya sa hukumomi sun yi alkawarin daukar matakan kare afkuwar irin wannan hadari a nan gaba.

Maudu'ai Masu Alaƙa:

Yanzu-yanzu: Gwamnatin Zamfara ta dakatar da lasisin makarantu masu zaman kansu ABIN TAUSAYI: An yanke wa wata yarinya ƴar shekara 13 hannu mai suna Fauziyya Sani sakamakon rashin kuɗin kai ta asibiti a jihar Zamfara AKWAI RINA A KABA: Kotu ta ayyana zaɓen gwamnam Zamfara a matsayin wanda bai kammala ba ‘Ƴan bindiga sun sace fiye da mutum 100 a Zamfara’