Harin bam: Kashim Shettima ya tafi ta’aziyya Kaduna

Daga Sabiu Abdullahi

Mataimakin shugaban kasa Kashim Shettima ya isa jihar Kaduna domin jajanta wa yan uwan mutanen da kuma iyalan wadanda suka mutu a harin da a kai makon da ya gabata.

Harin da sojojin suka kai a ranar Lahadin da ta gabata ya faru ne a kauyen Tudun Biri da ke cikin karamar hukumar Igabi a jihar, inda ake kyautata zaton an kashe mutane sama da 100.

Kashim ya samu tarbe a sansanin sojin saman Najeriya da ke Mando.

Gwamna Uba Sani da manyan jami’an gwamnatin jihar Kaduna ne suka tarbe shi.

Mataimakin shugaban kasar ya samu rakiyar ministan tsaro Abubakar Badaru; Shugaban jam’iyyar APC na kasa, Abdullahi Ganduje; Kakakin majalisar wakilai Tajudeen Abbass.

Tun da farko dai Shettima ya nufaci yin ziyara wa al’ummar da abin ya shafa a ranar Laraba amma ya yanke shawarar mayar da ziyarar tasa zuwa Alhamis.

Maudu'ai Masu Alaƙa:

Kisan al’ummar annabi: kuskure ko ganganci Amurka za ta taimaka wa sojin Najeriya wajen rage kai hare-hare bisa kuskure Ƴan’uwan mutanen da harin bam ya kashe a Kaduna suna neman diyyar naira biliyan 33 a hannun gwamnati Ƴan bindiga sun kai hari a wani yanki na Kaduna