Gwamnatin Jihar Sokoto Za Ta Samar da Cibiyoyi na Musamman Don Buɗe Baki a Ramadan

Gwamnatin Jihar Sokoto ta bayyana shirin samar da cibiyoyi na musamman don almajirai da masu buƙata ta musamman domin yin buɗe baki a lokacin azumin Ramadan.

Gwamna ya bayyana hakan ne yayin ƙaddamar da wani sabon masallacin Juma’a, inda ya ce, “Mun kuduri aniyar faɗaɗa cibiyoyin buɗe baki zuwa yankunan da ba su da su, domin tallafawa mabukata a cikin al’umma.”

Shirin ciyar da jama’a a watan Ramadan ya zama ruwan dare a yawancin jihohin Arewacin Najeriya, amma yana haifar da muhawara dangane da maƙudan kuɗaɗen da ake kashewa.

Yayin da wasu ke kallon shirin a matsayin taimako ga al’umma, wasu na ganin cewa ana iya amfani da waɗannan kuɗaɗen wajen aiwatar da muhimman ayyukan ci gaba da za su amfani jama’a gaba ɗaya.

Maudu'ai Masu Alaƙa:

Ƴan ta’adda sun sake kai hari garin Achida a karo na biyu Ƴan bindiga sun ƙona rumbunan abinci a Isa An aike da yan ta’adda sama da sittin barzahu a Sokoto Rubutun malamin addini ya ta da ƙura a shafin sada zumunta na Facebook