Gwamnan Katsina Ya Yi Rashin Mahaifiyarsa

Mahaifiyar Gwamnan Katsina, Hajiya Safara’u Umaru Baribari, ta rasu tana da shekaru 93.

Fadar gwamnatin jihar ta Katsina ce ta sanar da rasuwarta a yau Lahadi, amma ba ta bayyana musabbabin mutuwarta ba.

Sanarwar da Ibrahim Kaula Mohammed, babban sakataren yaɗa labarai na gwamna, ya fitar ta ce za a yi jana’izarta da misalin ƙarfe 4:00 na yamma a yau.

Daga cikin ‘ya’yan da ta bari har da mai garin Radda, Kabir Umar Radda, da kuma Hauwa Umar Radda, tsohuwar matar marigayi tsohon shugaban Najeriya, Umar Musa Yar’adua.

Za a yi jana’izar a garin Radda, kimanin kilomita 70 daga Katsina, babban birnin jihar.

Maudu'ai Masu Alaƙa:

Ƴan bindiga sun yi kisar gilla wa masu Maulidi a Katsina Ƴan sanda sun kashe wani ƙasurgumin mai garkuwa da mutane a Katsina Gwamnan Katsina ya naɗa tsohon soja Ahmad Daku a matsayin shugaban Hibah Hisbah ta ƙwace kwalaban giya 850 a Katsina