Gwamna Rotimi Akeredolu na jihar Ondo ya rasu.

Daga Sabiu Abdullahi

Rahotanni na nuna cewa Gwamnan Indo Rotimi Akeredolu ya rasu yana da shekaru 67 a duniya a yau Laraba a birnin Lagos.

An tattaro cewa likitocin fadar gwamnatin jihar ne suka lura da shi har zuwa rasuwarsa saboda ba za su iya kai shi kasar waje ba.

“Akeredolu ya mutu; Ya rasu ne a Legas,” wata majiya mai tushe ta shaida wa wata jaridar a Najeriya.

Ku tuna cewa gwamnan, a lokacin da yake jinya, ya dawo Najeriya a watan Satumba bayan shafe watanni uku a Jamus.

Kwanan nan, ya sake komawa hutun jinya bayan da shugaba Bola Tinubu ya umarce shi da ya mika mulki ga mataimakinsa, Lucky Aiyedatiwa.

Maudu'ai Masu Alaƙa:

Me kuka sani game da sabon gwamnan Ondo wanda ya hau mulki bayan mutuwar Akeredolu? An ayyana Alhamis da Juma’a matsayin hutu don karrama marigayi tsohon gwamnan Ondo Akeredolu Tinubu ya naɗa sabon shugaban EFCC Da ɗumi-ɗumi: Kotun Ƙoli ta yi watsi da buƙatar Atiku ta soke zaɓen Tinubu