APC Ta Amince da Ganduje Ya Cigaba Da Zama Shugabanta

Jam’iyyar APC mai mulkin Najeriya ta amince da ci gaba da jagorancin shugabanta na riƙo, Abdullahi Umar Ganduje.

A taron da jam’iyyar ta gudanar yau Laraba a Abuja, manyan jiga-jiganta sun bayyana gamsuwa da irin rawar da Ganduje ke takawa tun bayan naɗa shi a watan Agustan 2023.

Wannan mataki na nufin tsohon gwamnan Kano zai ci gaba da jan ragamar jam’iyyar har zuwa babban taron ƙasa na APC, wanda za a gudanar domin zaɓen cikakken shugaba.

Ganduje ya zama shugaban jam’iyyar na riƙo ne bayan da kwamitin gudanarwa na APC ya tabbatar da shi a watan Agustan 2023, bayan murabus ɗin tsohon shugaban jam’iyyar, Sanata Abdullahi Adamu.

Maudu'ai Masu Alaƙa:

Ganduje Ya Zama Shugaban APC Na Ƙasa Kotu ta gama zaman sauraron ƙarar Abba Kabir amma ba za ta sanar da hukuncin ba sai daga baya Kotun ɗaukaka ƙara ta tsige Abba Kabir daga gwamna Gwamnan Kano Abba Kabir ya tafi Kotun Ƙoli bayan hukuncin kotun ɗaukaka ƙara