An yi wa sojoji sama da 100 ƙarin girma

Daga Sabiu Abdullahi

Majalisar Sojan Najeriya ta kara wa jimillar Birgediya Janar 47 girma zuwa matsayin Manjo Janar.

Sannan ta ƙara wa kanar-kanar 75 zuwa matsayin Birgediya Janar.

Wannan cigaban nasu na zuwa ne bayan ritayar janar 113 a ranar Laraba.

Sai dai wata sanarwa a ranar Juma’a da Daraktan Hulda da Jama’a na Sojoji, Brig. Janar Onyema Nwachukwu, ta ce majalisar ta amince da karin girma da manyan jami’an suka yi a ranar Alhamis.

Janar Onyema ya kuma nuna cewa babban hafsan sojin kasa, Laftanar Janar Taoreed Lagbaja, ya bukace su da su rubanya kokarinsu na tabbatar da daukakarsu da kuma kwarin gwiwar da ake da ita a kansu

Maudu'ai Masu Alaƙa:

Satar Motar Miliyan 55: Ba Satar Motar Na yi ba, Ɗani Na Tafi, In ji wanda aka kama Gwamna Abba Kabir ya Naɗa Ɗan Kannywood Abba El- Mustapha da Wasu Sabbin Muƙamai Ganduje Ya Zama Shugaban APC Na Ƙasa Muna nan daram a bayan Falasɗinu—Yariman Saudiyya