An tuɓe dagaci daga sarautarsa a Zazzau

Daga Abdullahi I. Adam

Rahotanni da suke fitowa jiya Talata sun nuna cewa Majalisar Masarautar Zazzau a bisa jagorancin Sarkin Zazzau Malam Ahmed Nuhu Bamalli, CFR ta warware naɗin Dagacin Awai, Mal. Iliyasu Abdullahi, da ke yankin Maigana ta Ƙaramar Hukumar Soba.

Majalisar ta saurari ƙorafe-ƙorafen jama’a a masarautar tsohon dagacin waɗanda a kansu ne aka dakatar da shi.

A nasa ɓangaren, tsohon dagacin bai musanta zarge-zargen ba, wanda a bisa hakan aka warware naɗin nasa nan take.

Majalisar Masarsutar ta Zazzau ta umurci Hakimin Gundumar Maigana, Dandarman Zazzau Alhaji Lawal Zailani da shirya gudanar da zaɓen sabon dagaci a garin Awai ba tare da ɓata lokaci ba.

Maudu'ai Masu Alaƙa:

Satar Motar Miliyan 55: Ba Satar Motar Na yi ba, Ɗani Na Tafi, In ji wanda aka kama Gwamna Abba Kabir ya Naɗa Ɗan Kannywood Abba El- Mustapha da Wasu Sabbin Muƙamai Ganduje Ya Zama Shugaban APC Na Ƙasa Muna nan daram a bayan Falasɗinu—Yariman Saudiyya