Ambaliyar ruwa ta tilasta wa dalibai daina zuwa makaranta a Bauchi

Daga Sabiu Abdullahi
  
Wata mummunar ambaliyar ruwa da ta afku a garin Dambam hedikwatar karamar hukumar Dambam a jihar Bauchi, ta mamaye makarantar firamare ta Model Central, lamarin da ya tilastawa daliban zama a gida.

An rawaito cewa an tilasta wa daliban dakatar da zuwa makaranta na wani dan lokaci har sai yankin ya bushe, wanda hakan na iya haifar da asarar tsawon zangon karatu gaba daya.

Wani mazaunin garin da ya yi magana da ƴan jarida ta wayar tarho wanda ba a bayyana sunansa ba, ya ce an shafe shekaru ana fama da matsalar, inda gwamnati ta kasa daukar kwararan matakai.

A cewarsa, “Wannan lamari ne da ke faruwa a duk lokacin damina,” inda ya ce idan irin haka ta faru, dole ne yaran su daina zuwa makaranta har na tsawon watanni uku har sai an daina damina.
Ya bayyana takaicin yadda gwamnati ta yi watsi da makarantar, tare da hana yara samun ilimin asali.

Ya kuma bukaci gwamnatocin kananan hukumomi da jihohi da su shawo kan lamarin domin tabbatar da cewa yara sun samu ilimi wanda shi ne babban hakkinsu.

Da take mayar da martani kan lamarin a wata tattaunawa ta wayar tarho, kwamishiniyar ilimi ta jihar Dr. Jamila Dahiru ta ce gwamnati na kan gaba.

Maudu'ai Masu Alaƙa:

Ɗaruruwan mutane sun rasa matsagunansu bayan abaliya ta lalata gidaje sama da 400 a garin Gamawa da ke Bauchi An karrama ɗan agaji da kujerar hajji bayan ya tsinci maƙudan kuɗi ya mayar ga mai su Abubakar Y. Sulaiman ya sake darewa muƙamin kakakin majalisar Bauchi Yadda ake cika takardar neman bashin da gwamnati za ta ba wa ɗalibai