Ƴansanda sun daƙile yunkurin yin garkuwa da wasu mutane a Abuja

Daga Sabiu Abdullahi

Rundunar ‘yan sandan Abuja da ke yaki da masu garkuwa da mutane ta yi nasarar kubutar da wasu mata biyu, Mart Ojadi mai shekaru 15 da Evelyn Chinaza mai shekaru 12 da wasu ‘yan bindiga suka yi garkuwa da su a kauyen Guto da ke Bwari a ranar 30 ga watan Yunin 2024.

A cewar wata sanarwa da jami’ar hulda da jama’a ta rundunar ‘yan sandan babban birnin tarayya, SP Josephine Adeh ya fitar, rundunar ‘yan sandan tare da hadin gwiwar jami’an DSS, sun bi sawun masu garkuwa da mutanen zuwa dajin Gauraka na jihar Neja, inda suka yi ta artabu da su, wanda ya tilastawa masu gudu da raunuka.

An kubutar da wadanda lamarin ya rutsa da su ba tare da samun wata matsala ba, kuma tuni aka sake hada su da iyalansu.

Kwamishinan ‘yan sandan babban birnin tarayya, CP Benneth C. Igweh, ya jaddada aniyar rundunar na wanzar da zaman lafiya da tsaro a babban birnin kasar nan.

Maudu'ai Masu Alaƙa:

Masana sun ce an sace mutane sama da 60 cikin ƙasa da wata 1 a Abuja Ƴan sanda sun kama mutumin da ya yi ƙaryar an yi garkuwa da shi don ya damfari ƴan uwansa a Abuja ANA WATA GA WATA: Ƴan sanda sun tasa ƙeyar mutane 51 da suka yi ƙaryar an sace musu al’aura An fara rabon kayan tallafi a Abuja