Ɗan majalisa a Najeriya zai aurar da marayu mata guda 100

Daga Sabiu Abdullahi

Ɗan majalisar wakilai mai wakiltar mazabar Argungu/Augie ta jihar Kebbi a majalisar wakilai ta kasa Sani Yakubu Noma ya bayyana cewa ya kammala shirye-shiryen taimakon marayu mata 100 domin aurar da su.

Da yake zantawa da manema labarai a mahaifarsa da ke yankin Argungu a jihar Kebbi, dan majalisar ya ce shirin auren na ɗaya daga cikin gudunmawar da yake bayarwa wajen kyautata rayuwar marayu a mazabarsa.

Ya ce za a ɗaura auren ne a fadar mai martaba Sarkin Argungu, Alhaji Sama’ila Muhammad Mera ranar Asabar.

“An kafa kwamiti don samun nasarar aiwatar da shirin. Wadanda aka zaba domin a daura musu aure sun fito ne daga kananan hukumomin biyu da nake wakilta a Majalisar Dokoki ta kasa.

“Tuni, na sayi gadaje, katifu, kayan aiki masu mahimmanci da sauran kayayyakin aure ga wadanda suka ci gajiyar,” in ji shi.

Maudu'ai Masu Alaƙa:

An tuɓe hakimai saboda ‘rashin ɗa’a’ a Jihar Kebbi Gwamnatin Kebbi ta aurar da mutane 300 Gwamnatin Kebbi na shan suka saboda rabon motoci ga ƴan siyasa duk da mummunan halin da kasar ke ciki Jami’in kwastam ya rasa ransa bayan ƴanbindiga sun kai musu hari a Kebbi