Ƴan sanda sun kama magidancin da ya yi yunƙurin kashe matarsa a Bauchi

Daga Sabiu Abdullahi

Ƴan sanda a Jihar Bauchi sun samu nasarar kama wani dan kasuwa saboda yunkurin hallaka matarsa don ya samu damar sayar da talabijin dinsu ya kara jari a kasuwancinsa.

Kakakin rundunar ƴan sandan Jihar, Ahmed Wakil, ne ya bayyana haka cikin wata sanarwa a ranar Asabar.

A cewar Wakil, magidancin mai shekaru 35 ya shiga hannu ne bayan ya yi amfani da tabarya wajen dukan matar tasa da nufin kashe ta.

A halin yanzu dai an kai ta asibiti domin samun kulawa ta musamman sakamakon munanan raunukan da mijin ya yi mata.

Maudu'ai Masu Alaƙa:

Ƴan sanda sun cafke wata tawagar ƙwararrun ɓarayin janareta a Bauchi Masarautar Bauchi ta tuɓe masu sarautu guda shida Matashi a Bauchi ya kashe budurwarsa a kan naira 5000 Dubun wani gawurtaccen ɓarawo ta cika lokacin da ya shiga hostel ɗin mata a Bauchi