Ƴan bindiga sun sake sace sama da mutum 60 a Kaduna

Daga Sabiu Abdullahi

Rahotanni da ke fitowa daga arewa maso yammacin Najeriya, a wani sabon hari da ƴanbindiga suka kai sun sake sace kimanin mutum 61 a karamar hukumar Kajuru da ke jihar Kaduna.

Kamar yadda wasu mazauna yankin suka shaida wa BBC ƴanbindigar sun kai harin ne a garin Buda ranar Litinin da daddare suka buɗa wuta.

Sai dai babu wata sanarwa daga hukumomin jihar da jami’an ƴansanda da ke tabbatar da harin ya zuwa yanzu.

Sai dai mazauna yankin sun ce ƴanbindigar sun yi wa garin zobe ne da misalin karfe 11:30 na dare suka dinga harbi kan mai uwa da wabi.

Maudu'ai Masu Alaƙa:

Kisan al’ummar annabi: kuskure ko ganganci Harin bam: Kashim Shettima ya tafi ta’aziyya Kaduna Amurka za ta taimaka wa sojin Najeriya wajen rage kai hare-hare bisa kuskure Ƴan’uwan mutanen da harin bam ya kashe a Kaduna suna neman diyyar naira biliyan 33 a hannun gwamnati